由hall搬返到去屋企，所有的東西都唔慣，D用開的東西setting唔同晒，間房依然都係咁亂，個人無晒motivation做事，有好多早就應該搞得掂的東西都被我拖得就拖........ 最搞笑的係我竟然係看中所有機票及hostel後，仍然未捨得走去book，因為覺得條線未夠好，日期一拖再拖，更被人叫我廿七號先走，但差價就當然係要你補啦～ 呢個星期，講真係屋企的時間真係唔多....... 可能係我本身對呢個家唔太有歸屬感啦，現在就小記一下呢周的事啦......... 星期一 (11/06/2007)
呢日係我第一天正式撤離M. Hall，但就已經唔係屋企食飯。同自己搬完hall後，再幫一搬多轉！同毛毛夾錢租雞記，感覺同兩年前相差很遠...... 今次真係好唔捨得........ 最後，有人請了餐白木屋～ 兼被我筍到件green gown～ 都算係個小回報啦～ 星期二 (12/06/2007)
昨天通頂，所以訓到...... 一起身就差不多食晚飯～ 以後，我係屋企食飯會比以前多幾倍呢？呢個，仍然係一個謎............ 星期三 (13/06/2007)
同好耐無單獨食個飯的妳食晚飯，明白到自己的一個很大的弱點....... 或者，係我知道自己真係想點前，都係應該學妳所講，唔好再害人啦............. 但有時，所有的東西都唔到自己control，若果真係出現了，無人可以stop到佢，正如妳現在一樣。 祝妳幸福，請飲記得叫我。 星期四 (14/06/2007)
終於到最後的一次樓飯啦...... 無文字可以完全形容我的心情.......... 下年的第一次樓飯，記得叫我呀～ 由於太唔捨得，就跟了佢地返hall，仲係hall留足一晚！除了睇了金田一外，還順手KO埋阿Jeff～ 佢好似好enjoy呢～ 佢果下烏龜彈(蜈蚣彈的龜版～)起身恆于含膿拳............ 真係.......................... 星期五 (15/06/2007)
很普通的一天～ 終於開始unpack自己的東西....... 點解自己會有那麼多東西的！！ 搵唔到足夠地方放所有o野...... 結果，順手丟了更多的東西.......
P.S. 知道妳有了offer，代妳高興之餘，亦要係呢度提下妳要請我食飯呀～ 話晒份工都係我介紹的～ 星期六 (16/06/2007)
終於坐下來，開始plan行程。知道自己想去邊，但未知自己最想去邊.......... 時間一分一秒的過去，我要快D決定好先得！ 但唔知點解，無乜motivation........ 自己都唔知點解.............. 星期日 (17/06/2007)
父母終於去旅行啦～ 而我終於可以有翻部電腦的主動權～ 真係要快D買個wireless router，如果唔係遲D又會係咁........ 有無人有好介紹呀？
P.S. 今日勁黑......... 兩場Minesweeper League，竟然都輸得勁慘....... 尤其係對Bun的兩場......... 有兩盤，竟然係第一click就送十幾個雷給佢..................... | 
